Euver Ós

Korte biografie

‘t oet Mofert aafkomstige duo La Bamba besteit oet Ron Roemen en Harrold Knoben, vrunj van kleins aaf aan. Vol enthousiasme verzorge ze al jaore häör optraejes.

Effe allemaol sjoenkele op ‘nne lekkere wals enne hendjes inne loch op ‘nne fieëspolka. Mer ouch haet La Bamba housemeziek veure jóngere generatie in hoes.

Ze bringe veurnamelek eige leedjes zoeawie ónger angere de vastelaoveskrakers oet 2008 ‘Drök, drök, drök’ en ’Knaokehel op det vel’, womit La Bamba in 2009 ein 2^e plaats op ’t LVK behaoldje.

In 2011 waerde op detzellefde LVK ein 5^e plaats behaoldj mit ‘Vastelaovendj in Limburg’. En auch in 2012 waerde 'n verdeenstelikke 8e plaats behaoldj mit "Waat se hie zuus det zuus se nörges"

In totaal stóng La Bamba al 7 kieër inne LVK finale en waerde ze 3 kieër door ’t Limburgse pebliek toet Koelkraker gekaoze.

Laot uch verrasse door twieë moferter jónges.

---

Who the f……. is La Bamba ?

Ron Roemen is gebaore op 7-12-1968 in Mofert

Miene grótste hobbie is óngetwiefeld meziek make mer ouch meziek loestere vinj ich fantasties.
‘t Bedinke/sjrieve van nuje meziek (tekste/melodietjes) veur La Bamba vinj ich ouch ein hieël groeate oetdaging en keileuk óm te doon.
Ich vinj ’t sjrieve van leedjes zellefs zoea leuk (en höb zoväöl ideetjes én väöl fantezie……) det ich ein eige bedriefke bön begós óm ouch veur anger artieste leedjes te sjrieve.

Ouch wil ich beginnende artieste gaer begeleide en waegwies make in ’t artiestewaereldje. Veur mich ein sjitterendje nuuj oetdaging. Kiek mer ‘ns op mien sait: www.cocoonmusic.nl

Wiejer wèrk ich op freelance basis veur Marlstone Music en doon dao ’t beheer vanne meziekoetgaeverie.
Tenslotte bön ich instrukteur van het Trommler-, Pfeifer- und Fanfarencorps Höngen e.V.

‘nne angere groeate hobby van mich is miene hóndj Bongo. ‘nne Pyrenese berghondj. ‘t is trouwes neet dae hóndj waat op ‘t hoesje van “Van baove nao ónger” steit. Mit Bongo bön ich dageleks versjillendje kieëre inne bós en ’t Naturschutzgebiet ‘‘Im Eiländchen” te vinje. Ouch ’n ideaal gelaegenheid veur nuuj leedjes te bedinke. Det haet zich de lèste jaore waal beweze. Hieël dök kump ónger ’t wanjele ’t Wickie de Viking zinneke „Ja, ich hab’s“ bie mich naobaove.
Die leedjes kómme den eine tied later weer oppe buun trök bie ein vanne optraejes van La Bamba. Optraejes wo ich éch van kin genete.

Harrold Knoben, gebaore op 5-4-1970 in Mofert.

Ich wèrrek inne boetedeens bie Novoferm. Ich höb ein zoontje Tren, ‘nne echte meziek -en foetbalgek! Wo haet d'r ‘t toch vanne ( ‘t foetballe hè hahaha)

Miene shakalaka is Nicolle.......mmmmmmmm waat un lekker stök is det toch nag altied.....

Veer höbbe 2 huundjes Falco en Indy, 2 dobermanne wo van ein dobervruike(haha).

Aan sporte....... zo aaf en toe duuk ich mit de mountinbike de bos inne, lekker ff knalle.....
En veure res........... lekker genete van alles....

Laifstorrie

Es start van ’t bandjduo La Bamba haje veer 1 jannewarie 2000 aan.
’t Jaor det in eine kieër, gans toevallig, die “Drie witte doeve“ veurbie kwame gevlaoge. Doe vónje ouch de ieëste optraejes plaats. Die doerde euveriges mer 15-20 menute, bie gebrek aan repertoire want dit loog neet inne plenning en veer hawwe d’r dus totaal neet op geraekend.

’t Jaor d’rnao woor ’t ieëste album van La Bamba vaerdig want platemaatsjappie Telstar (ónger aaveuring van Jos Laumen) zoog ’t hieëlemaol zitte mit La Bamba. Bie Telstar (en Limbo Music) brachte veer ouch nag versjillende singles oet. De opnames van versjillende Telstar-leedjes wore bie Pebble Music. Veer wore dao zoea kontent euver det veer oeteindelik de euverstap nao Pebble Music höbbe gemaak en dao 5 gezellige jaore höbbe mitgemaak. Nao versjillende albums bie Pebble Music höbbe veer noe hieëlemaol oze dreij gevónje bie Marlstone Music wo veer vanaaf november 2007 opnumme. Veer veule ós dao hieëlemaol thoes.